Verður bætt við loðnukvótann?




Börkur NK á miðunum   Ljósm. Þorgeir BaldurssonNú hafa skip Síldarvinnslunnar veitt 2/3 þess loðnukvóta sem
þau hafa fengið úthlutað á vertíðinni. 
Veiðin hefur gengið vel til þessa en nú hefur verið hægt á skipunum og
áformað að veiða mest af þeirri loðnu sem eftir er til framleiðslu á
verðmætustu afurðunum (Japansfrysting)





Gefið verður helgarfrí í fiskiðjuverinu í Neskaupstað um
þessa helgi og lýkur þar með 12 daga samfelldri framleiðslutörn.



Kristina EA bætir eigið met



Kristina EA    Ljósm. Þórhildur Eir Sigurgeirsdóttir


Fyrir skömmu var greint frá því að Kristina EA hefði landað
í Neskaupstað stærsta farmi af frystri loðnu sem íslenskt skip hefði komið með
að landi.
  Þessi farmur reynist vera
2.038 tonn.





Hinn 22. janúar s.l. bætti Kristina EA þetta met sitt þegar
skipið landaði í Neskaupstað 2.199 tonnum af frystri loðnu.





Kristina EA er stærsta skipið í íslenska fiskiskipaflotanum og
um borð í því er fiskimjölsverksmiðja. 
Að aflokinni fyrri veiðiferðinni landaði skipið 61 tonni af loðnumjöli
og 97 tonnum eftir síðari veiðiferðina.



Aflafréttir


Beitir NK kom í fyrrinótt með um 1.680 tonn og þar af fóru um 700 tonn í gegnum fiskiðjuverið.

Börkur NK hélt til veiða í morgun.



Bjartur NK hélt til veiða í gærkvöldi og er væntanlegur til löndunar á þriðjudaginn.

Barði NK er væntanlegur til löndunar á miðvikudag.

Gott ár að baki á sviði veiða og vinnslu

Frá athafnasvæði Síldarvinnslunnar í Neskaupstað


Árið 2012 var umsvifamikið hjá Síldarvinnslunni.  Veiðar gengu vel og vinnsla einnig.  Hér verður gefið stutt yfirlit um öflun og
móttöku hráefnis á árinu ásamt magni afurða.



Alls veiddu uppsjávarskip fyrirtækisins tæplega 139 þúsund
tonn á árinu.  Mest var veitt af loðnu en
eins komu þau með síld, makríl og kolmunna að landi.  Heildarafli Beitis NK var rúmlega 59.500
tonn, Barkar NK 45.200 tonn og Birtings NK 34.200 tonn.

Ísfisktogarinn Bjartur NK aflaði rúm 3.750 tonn á árinu og frystitogarinn Barði
NK 3.800 tonn.