Fyrsti makríllinn til Neskaupstaðar í sumar

Vilhelm Þorsteinsson EA kom með fyrsta makrílinn á vertíðinni til Neskaupstaðar í gær. Ljósm. Hákon Ernuson.Vilhelm Þorsteinsson EA kom með fyrsta makrílinn á vertíðinni
til Neskaupstaðar í gær.  Ljósm. Hákon Ernuson.
Í gær kom Vilhelm Þorsteinsson EA til Neskaupstaðar og landaði þar fyrsta makrílfarminum á vertíðinni. Afli skipsins var 700 tonn upp úr sjó og þar af voru 480 tonn fryst um borð. Guðmundur Jónsson skipstjóri sagði að veiðin hefði verið heldur döpur. „Við hófum veiðar á Breiðdalsgrunni og héldum síðan vestur eftir og enduðum við Vestmannaeyjar. Austur frá var aflinn nokkuð síldarblandaður en vestast fengum við hreinan makríl. Það var enginn kraftur í þessu en fiskurinn sem fékkst var góður; stór og fínn makríll, lítilsháttar áta í honum en fituprósentan var 18-20%. Helsti gallinn er sá að það var ekki nóg af honum á þeim slóðum sem við vorum á en nú munu brátt fleiri skip halda til veiða og þá skýrist allt betur,“ sagði Guðmundur.

Sumarfrí í frystihúsinu á Seyðisfirði

 

 Vinnslan hefur gengið vel. Ljósm. Ómar Bogason Vinnslan hefur gengið vel. Ljósm. Ómar Bogason

Frystihúsið á Seyðisfirði er komið í sumarstopp, en það hófst sl. föstudag.  Af þessu tilefni var slegið upp grillveislu í góða veðrinu á bryggjunni.
Einhverjir starfsmenn munu sinna viðhaldsverkefnum innanhúss á meðan sumarfríð stendur yfir.

Framleiðsla í frystihúsinu hófst ekki fyrr en 22. febrúar vegna verkfalls sjómanna í byrjun árs.

Að sögn Ómars Bogasonar framleiðslustjóra hefur mest verið unnið af þorski og ufsa á árinu.  Samdráttur hefur verið í ufsavinnslu vegna erfiðra markaðsaðstæðna fyrir ufsaafurðir.  Móttekið hráefni á fyrstu 6 mánuðum ársins eru 1.350 tonn en á sama tíma fyrir ári var móttekið hráefni 1.900 tonn.  Ástæðan fyrir lægri framleiðslutölum það sem af er ári eru tilkomnar vegna sjómannaverkfalls í janúar og febrúar.

 

Grillað í góðu veðri á Seyðisfirði. Ljósm. Ómar BogasonGrillað í góðu veðri á Seyðisfirði. Ljósm. Ómar Bogason

 

Stöðug vinnsla hefur verið frá því að verkfalli lauk fram að sumarstoppi og hefur vinnsla gengið vel.  Gengisþróun og markaðsaðstæður hafa verið óhagstæðar og hefur það haft  áhrif á verðmæti framleiðslunnar, á sama tíma hafa flestir kostnaðarliðir verið að hækka. Uppistaðan af hráefninu kemur frá skipum Síldarvinnslunnar hf.

Reiknað er með að framleiðsla hefjist að nýju eftir verslunarmannahelgi.

Eistnaflug kynnir í samstarfi við Síldarvinnsluna föstudags og laugardagspassa á einungis 15.000 kr

dagskrá einstaflug

Síldarvinnslan hf. og forsvarsmenn Eistnaflugs hafa komist að samkomulagi um að bjóða þeim sem sækja Eistnaflug um helgina uppá helgarpassa á frábærum kjörum eða á 15.000kr en áður kostaði hann 22.500kr. Miða er hægt að kaupa á www.tix.is eða við dyrnar í íþróttahúsinu í Neskaupstað.

Þar sem nú er makrílvertíð á næsta leyti er tilvalið fyrir starfsfólk sjávarútvegsfyrirtækja á Austurlandi að grípa þetta tækifæri og lyfta sér upp áður en vaktir byrja í fiskiðjuverum víða um Austurland.

Síldarvinnslan vill með þessu einnig hvetja aðra bæjarbúa og aðra Austfirðinga til að sækja hátíðina og njóta þeirra tónleika sem í boði eru en dagskráin í ár er einkar glæsileg. Margar bestu íslensku hljómsveitirnar um þessar mundir stíga á svið ásamt heimsfrægum erlendum rokkhljómsveitum. Má finna dagskránna hér fyrir ofan. 18 ára aldurstakmark er á hátíðina en ungmenni undir 18 ára mega vera til 23:00 í fylgd og á ábyrgð fullorðinna.

Eftirvænting í fiskiðjuverinu fyrir sumarvertíð

FV Gudbjartur juli 2015 HSGGuðbjartur Hjálmarsson segir flökunavélarnar verða klárar fyrir vertíð. Ljósm. Húnbogi SólonUm þessar mundir er unnið hörðum höndum í fiskiðjuverinu í Neskaupstað við undirbúning fyrir vertíð. Búið er að ráða fjölmarga í vinnu fyrir sumarið og fasráðna fólkið er að snúa tilbaka eftir sumarfrí. Mikið kapp er lagt á viðhalds- og undirbúningvinnu í fiskiðjuverinu fyrir vertíðina auk þess að fegra umhverfið í kringum fyrirtækið.

Megnið af sumarstarfsfólkinu er skólafólk sem er ánægt með að komast í þessi uppgrip sem vertíðarvinna er, góð laun og næg atvinna. 
    
Fyrirtækið Skaginn er að bæta við nýjum frystiskápum og er reiknað með að afköst í frystingunni aukist enn meira en unnið hefur verið að því síðustu ár að byggja upp aukna afkastagetu. Aukning afkastagetu er liður í því að auka enn á verðmæti uppsjávarfisks með því að hafa afköst til að vinna hann á þeim tíma sem hann er verðmætastur og fylgja þannig eftir fjárfestingum sem átt hafa sér stað í stærri og öflugri skipum sl. ár.
 
Heimasíðan náði tali af Jón Gunnari Sigurjónssyni yfirverkstjóra og spurði hann um stöðuna í fiskiðjuverinu. “Við höfum ráðið inn u.þ.b. 50 sumarstarfsmenn fyrir vertíðina nokkrir komu til vinnu strax eftir sjómannadag en aðrir komu til vinnu í þessari viku. 
FV Skaginn juli 2015 HSGUppsetning nýrra frystiskápa gengur vel.
Ljósm. Húnbogi Sólon


Fastráðna starfsfólkið okkar er einnig að snúa tilbaka eftir sumarfrí og má segja að fjöldi starfsfólks aukist með hverjum deginum. Í heildina eru þetta um 90 starfsmenn sem munu vinna á þrískiptum vöktum eins og undanfarin ár. Núna er starfsfólkið að sinna viðhaldsvinnu og tiltekt bæði innan húss og utan.  Verið að fara yfir vélar og búnað til að vera klár í þá makríl- og síldarvertíð sem framundan er. Við reiknum með stöðugri keyrslu næstu 4 mánuðina“ sagði Jón Gunnar.