Börkur NK og Bjarni Ólafsson AK lönduðu báðir fullfermi af kolmunna á Norðfirði á þriðjudaginn sem skipin fengu á miðunum suður af Færeyjum.  Bæði skipin héldu aftur til veiða að lokinni löndun.

Barði NK landaði frystum afurðum á mánudag að verðmæti um 65 mkr. eftir um 15 daga að veiðum.  Stærstur hluti aflans var karfi.  Barði NK hélt aftur til veiða á þriðjudag.
Bjartur NK landaði á Norðfirði á þriðjudag um 90 tonnum og var uppistaða aflans þorskur og ufsi.  Bjartur NK hélt aftur til veiða að lokinni löndun á þriðjudaginn.

Börkur NK kom til Norðfjarðar í gær með um 1.400 tonn af kolmunna.  Börkur var við veiðar á kolmunnamiðunum vestur af Írlandi en þar hefur veiðin dregist verulega saman síðustu daga.
Bjarni Ólafsson AK landar einnig í dag um 200 tonnum af kolmunna sem skipið fékk á sömu slóðum og Börkur.

Barði NK landaði fyrir helgina frystum afurðum að verðmæti um 81 milljón og var uppistaða aflans karfi.  Barði NK heldur aftur til veiða í dag.
Bjartur NK landaði á Norðfirði í gær um 70 tonnum og var uppistaða aflans þorskur og ufsi.  Bjartur NK heldur aftur til veiða í dag.

Börkur NK landar í dag á Norðfirði um 1.300 tonnum af loðnu sem skipið fékk á loðnumiðunum vestan við Vestmannaeyjar.  Loðnan sem er stór og falleg fer væntanlega öll til vinnslu í Fiskiðjuveri Síldarvinnslunnar hf.

Bjartur NK hélt til veiða kl. 22:00 í gærkvöldi.
Barði NK er að veiðum.