Hafnarbraut 6
740 Fjarðabyggð


Fiskiðjuver:
Síldarvinnslan starfrækir fullkomið fiskiðjuver í Neskaupstað. Þar fer fram frysting á bolfiski og uppsjávarfiski ásamt síldarsöltun. Fiskiðjuverið er 5000 fermetrar að flatarmáli og er búið öllum þeim fullkomnustu tækjum sem völ er á.

Við fiskiðjuverið er 4000 fermetra frysti- og kæligeymsla. Þar er unnt að geyma samtímis um 9000 tonn af frosnum afurðum og 20000 tunnur af síld.

Fiskimjölsverksmiðja:
Fiskimjölsverksmiðja Síldarvinnslunnar í Neskaupstað er staðsett sunnan byggðarinnar fyrir botni Norðfjarðar á miðju Austurlandi. Verksmiðjan er útbúin til framleiðslu á LT-mjöli. Meðalafkastageta verksmiðjunnar er 1000 tonn á sólarhring.

Hafnaraðstaða er mjög góð og gott athafnarými. Heildarlengd bryggjukanta er 957 metrar og mesta dýpi við kant er 8,5 metrar á 165 metra kafla. Dráttarbraut er fyrir 600 þungatonn. Þjónusta við skip er góð, ísverksmiðja, vélaverkstæði, netaverkstæði, kafari, verslanir og flest önnur þjónusta.

Nánari upplýsingar um Fjarðabyggð eru á vefsvæði sveitarfélagsins www.fjardabyggd.is