Afköst fiskiðjuversins í Neskaupstað aukin - 500 tonna múrinn rofinn

Loðna


Að undanförnu hefur verið unnið að umbótum á frystibúnaði
fiskiðjuversins í Neskaupstað með það að markmiði að auka afkastagetu þess.



Breytingar hafa verið gerðar á frystipressum og búnaði
tengdum þeim og hafa þær leitt til betri nýtingar á frystitækjum, m.a. þremur frystiskápum
sem sérstaklega var komið upp til að frysta stærsta og verðmætasta makrílinn.



Á síðustu loðnuvertíð námu hámarks sólarhringsafköst
fiskiðjuversins 440 tonnum en markmiðið með breytingunum var að auka afköstin
þannig að þau færu yfir 500 tonn.

Rafvæðingu fiskimjölsverksmiðjunnar í Neskaupstað lokið

Rafvæðing fiskimjölsverksmiðjuFramkvæmdum við rafvæðingu fiskimjölsverksmiðju Síldarvinnslunnar í Neskaupstað lauk um síðustu helgi. Laugardaginn 12. janúar var allur rafvæðingarbúnaðurinn gangsettur og markar því sá dagur ákveðin tímamót í sögu verksmiðjunnar.


Framkvæmdir við rafvæðinguna hófust fyrir rúmu ári en þær fólu í sér eftirfarandi: Í fyrsta lagi voru þurrkarar verksmiðjunnar rafvæddir, komið upp háspennubúnaði, spennum, rofum og öðrum tilheyrandi rafbúnaði.  Í öðru lagi þurfti að ráðast í byggingaframkvæmdir eins og hækkun á þurrkarahúsi og byggingu rofahúss, spennistöðvar og töfluherbergis. Í þriðja lagi var síðan settur upp 34 metra hár skorsteinn og nýr lykteyðingarbúnaður. 

Loðnuveiðar og loðnuvinnsla: Árið byrjar vel

Frá höfninniLoðnuveiðar hafa farið vel af stað á nýbyrjuðu ári.  Fyrsta farminum var landað hjá Síldarvinnslunni í Neskaupstað 8. janúar en þá kom Börkur NK með liðlega 1.100 tonn.

Kristina EA með metafla af frystri loðnu

Kristina EA       Ljósm. Þórhildur Eir SigurgeirsdóttirKristina EA kom til Neskaupstaðar í gær með stærsta farm af frystri loðnu sem skip hefur komið með að landi úr einni veiðiferð.  Alls var aflinn tæplega tvö þúsund tonn og tók veiðiferðin sex daga.  Skipið heldur á ný til veiða í dag að aflokinni löndun.

Kristina EA er eitt af skipum Samherja hf. og er stærsta skip íslenska fiskiskipaflotans.