Mikil umsvif í Norðfjarðarhöfn - fyrirhuguð stækkun hafnarinnar

Annir í höfninni    Ljósm. Anna Margrét SigurðardóttirAllir sem til þekkja gera sér grein fyrir að umsvifin í
Norðfjarðarhöfn og starfsemi Síldarvinnslunnar mynda eina samofna heild. 
Starfsemi Síldarvinnslunnar skapar mikla
umferð um höfnina og gerir það að verkum að Norðfjarðarhöfn er önnur af tveimur
stærstu fiskihöfnum landsins.
  Í þessu
sambandi er rétt að geta þess að í Neskaupstað rekur Síldarvinnslan stærstu
frystigeymslur á landinu sem rúma 20 þúsund tonn.





Tekjurnar af Norðfjarðarhöfn vega þungt hjá Fjarðabyggðarhöfnum
og eiga sinn þátt í því að hafnarsjóður Fjarðabyggðar er annar öflugasti hafnarsjóður
landsins.

Þokkaleg aflabrögð hjá togurunum

Bjartur NK


Aflabrögð togara Síldarvinnslunnar hafa verið þokkaleg frá áramótum, en
veður hefur töluvert hamlað veiðum.



Ísfisktogarinn Bjartur NK kom nú í vikunni úr sinni fjórðu veiðiferð á
árinu.
  Aflinn var 40 tonn, þar af 20
tonn þorskur.
  Veður var einkar slæmt í veiðiferðinni
og því var aflinn óvenju rýr.
  Bjartur NK
hefur alls aflað um 330 tonn frá áramótum og er þorskur og ufsi uppistaða
aflans.






Frystitogarinn Barði NK hélt til veiða 5. janúar og lauk veiðiferðinni
s.l. laugardag.
  Landaði hann 320 tonnum
(upp úr sjó) og er aflaverðmætið 93 milljónir króna.
  Uppistaða aflans var ufsi, karfi og grálúða.






 Bjartur heldur á ný til veiða á morgun, fimmtudag, en Barði hinn 6. febrúar.






 

5 hnúfubakar í nótinni samtímis

Nót Eriku í viðgerð í NeskaupstaðGrænlenska loðnuskipið Erika kom til Neskaupstaðar
aðfaranótt sunnudags með 900 tonn af loðnu sem landað var í mjöl- og
lýsisvinnslu. 
Aflinn fékkst bæði í nót
og troll en hvalir á miðunum ollu skipverjum miklum erfiðleikum.






Geir Zoëga, skipstjóri á Eriku, lýsir veiðiferðinni svo:

„Í upphafi veiðiferðar fiskuðum við í nótina en eftir að
vera búnir að fá 7 hnúfubaka samtals í hana var skipt yfir á trollið.  Það var ekki um annað að ræða, enda nótin
vægast sagt illa farin.  Í einu kastinu
lokuðust 5 hvalir inni í nótinni.  Þrír
þeirra fóru út á meðan á snurpingu stóð og skyldu eftir sig stór göt.  Tveir voru hins vegar eftir og rifu pokann
afar illa.“

Átak til kynningar á iðnnámi

Eiríkur Þór Magnússon, rafvirki, að störfum í fiskiðjuveri SVN


Verkmenntaskóli Austurlands og sveitarfélagið Fjarðabyggð
hafa ákveðið að efna til samvinnuverkefnis sem gefur nemendum í Vinnuskóla
Fjarðabyggðar kost á að kynna sér nám á iðnbrautum skólans á komandi
sumri.  Verkefnið er ætlað nemendum sem
lokið hafa 9. bekk grunnskóla.  Átta
sjávarútvegs- og iðnfyrirtæki í Fjarðabyggð styðja þetta verkefni, þar á meðal
Síldarvinnslan.



Verkefnið mun felast í því að nemendur Vinnuskólans sæki nám
á verkstæðum skólans í eina viku á fullum launum.  Geta þeir valið um nám á fjórum
iðnbrautum:  Grunnnámi málmiðna,
grunnnámi rafiðna, grunnnámi bygginga- og mannvirkjagreina og hársnyrtibraut.

Skítabræla um helgina


Bræla hefur verið á miðunum um helgina og komu skipin flest í land á laugardag.



Börkur NK kom með 500 tonn og er verið að frysta upp úr honum núna.

Beitir NK var í landi um helgina.



Vilhelm EA landaði 1.200 tonnum í bræðslu aðfaranótt sunnudags.

Erika landaði um 900 tonnum á eftir Vilhelm.

Verður bætt við loðnukvótann?




Börkur NK á miðunum   Ljósm. Þorgeir BaldurssonNú hafa skip Síldarvinnslunnar veitt 2/3 þess loðnukvóta sem
þau hafa fengið úthlutað á vertíðinni. 
Veiðin hefur gengið vel til þessa en nú hefur verið hægt á skipunum og
áformað að veiða mest af þeirri loðnu sem eftir er til framleiðslu á
verðmætustu afurðunum (Japansfrysting)





Gefið verður helgarfrí í fiskiðjuverinu í Neskaupstað um
þessa helgi og lýkur þar með 12 daga samfelldri framleiðslutörn.