Vettvangsferð úr 10. bekk Nesskóla

Dagný Ásta Rúnarsdóttir og Freyja ViðarsdóttirÞær mættu galvaskar í gærmorgun í vettvangsferð þær Dagný Ásta Rúnarsdóttir og Freyja Viðarsdóttir úr 10. bekk Nesskóla.  Löng hefð er fyrir því að krakkarnir úr efsta bekk grunnskólans fari og kynni sér atvinnulíf bæjarins og fáum við því reglulega heimsóknir sem þessa.
Eins og sjá má eru þær hinar ánægðustu með að fá að raða ufsabitum á lausfrystibandið.  Unninn er ufsi þessa dagana í Fiskiðjuverinu og að öllu óbreyttu verður svo áfram fram að sumarsíld.

Starfsmenn fiskimjölsverksmiðja fá ný vinnuföt

Einar Þorvaldsson, Njáll Ingvason, Þór Hauksson, Keith Hearn og Þröstur SteingrímssonTekin hafa verið í notkun samræmd vinnuföt fyrir keyrslumenn í Fiskimjölsverksmiðjum Síldarvinnslunnar hf.  Starfsmenn í verksmiðju eru í rauðum vinnufötum en starfsmenn í mjölhúsi eru í gráum.  Á myndinni má sjá fyrstu vaktina í verksmiðjunni á Norðfirði í nýju vinnufötunum.

Öskudagur í ófærð

oskud 09 3.jpgÖskudagurinn var haldinn hátíðlegur í gær í leiðindaveðri og mikilli ófærð.  Þeir hörðustu létu það nú ekki aftra sér í að arka af stað í sína árlegu öskudagsgöngu. Var það góður hópur sem lagði leið sína til okkar og söng fyrir okkur og fékk harðfisk og blöðru að launum.  Klukkan 14:00 í gær fóru svo krakkarnir á öskudagsball sem foreldrafélag Nesskóla stóð fyrir í íþróttahúsinu og var mætingin mjög góð þar.
Takk fyrir okkur krakkar

Lesa meira...

Fyrsta loðna vetrarins

Líneik og Kawa við sýnatökuBörkur NK kom með um 1.000 tonn af loðnu á sunnudaginn sem hann fékk fyrir sunnan land.  Hrognahlutfallið er komið í um 18-21% og hentar það vel á japansmarkað.  Fyrsta sólarhringinn voru frystar 33.000 pakkningar.  Loðnan er mjög góð og væntanlega verður unnt að frysta stærsta hluta aflans til manneldis.

Fagraberg landar síld

Fagraberg FD-1210 landar síld.

Norsk-íslensk síld er nú unnin á vöktum í fiskiðjuveri Síldarvinnslunnar hf. það var færeyska skipið Fagraberg FD-1210 sem kom með ca. 1.400 tonn til vinnslu.  Vinnsla hófst síðustu nótt og stendur fram á laugardag.  Það má segja með sanni að starfsmenn fiskiðjuversins taka þessari sendingu frá vinum okkar fegins hendi meðan beðið er eftir að loðnuvertíð fari í gang.

Lesa meira...

Sérstök viðurkenning fyrir starf í þágu forvarna

tm logo.jpgTryggingamiðstöðin hf. veitti á dögunum forvarnarverðlaunin Varðbergið sem Lýsi hf. hlaut.  Verðlaunin hlýtur árlega viðskiptavinur Tryggingamiðstöðvarinnar (TM) sem þykir skara fram úr á sviði forvarna gegn óhöppum og slysum.  TM veitti jafnframt fyrirtækjunum Guðmundur Tyrfingsson ehf. og Síldarvinnslunni hf. sérstaka viðurkenningu fyrir starf í þágu forvarna.

Lesa meira...