Fiskiðjuverið fær sjálfvirkan pökkunarbúnað

Menn frá Skaganum hf. við uppsetningu pökkunarvélaNú standa yfir breytingar í fiskiðjuveri Síldarvinnslunnar hf.  Verið er að setja upp sjálfvirkan pökkunarbúnað fyrir uppsjávarfisk þ.e. loðnu og síld.  Þetta eru talsverðar breytingar á salnum frá því sem var, en í þessum sal fór áður fram söltunar- og pökkunarhluti saltsíldarframleiðslunnar eftir flutninginn úr gamla frystihúsinu í fiskiðjuverið.  Framkvæmdirnar ganga vel og eru á áætlun en reiknað er með að nýju pokavélarnar verði klárar til keyrslu og prófunar í desember.

 

Lesa meira...

Haustsíldin komin

Síld

Fyrsti síldarfarmurinn kom til Norðfjarðar kl. 09:00 í morgun.  Það var áhöfn Bjarna Ólafssonar AK-70 sem veiddi um 600 tonn. Síldin fer öll til manneldis og verður unnin í fiskiðjuveri Síldarvinnslunnar hf. næsta sólarhringinn. Það má með sanni segja að mikil eftirvænting hafi verið hjá starfsfólki fiskiðjuversins fyrir þessa vertíð og biðinni eftir síldinni nú loks lokið.

Lesa meira...

Umsóknir í afmælissjóðinn

SVNSkilafrestur til að sækja um í afmælissjóð Síldarvinnslunnar hf. rann út þann 1. október s.l.  Alls bárust 22 umsóknir upp á rúmlega 27 milljónir.  6 umsóknir bárust vegna íþróttamála, 9 vegna menningarmála og 7 vegna menntunarmála.  Mun nú sérstök nefnd fara yfir umsóknirnar og verður tilkynnt á afmælisdeginum sjálfum þann 11. desember hverjir hljóta styrk. 

 

 

Afmælisferð Síldarvinnslunnar hf.

Afmælisferð Síldarvinnslunnar hf.Starfsemi Síldarvinnslunnar mun liggja niðri dagana 13.-17. september nk., vegna ferðar starfsfólks til Tallinn.  Skip félagsins verða í höfn og öll vinnsla verður lokuð, sinnt verður afgreiðslum í kringum frystiklefa.

Lesa meira...

Afmælissjóður SVN

SVNStjórn Síldarvinnslunnar hefur ákveðið að veita 10 milljóna króna upphæð í afmælissjóð. Tilefnið er að í ár eru 50 ár frá stofnun félagsins og verður sjóðnum úthlutað þann 11. desember nk. á stofndegi félagsins. Afmælissjóðnum verður úthlutað til verkefna á sviði íþrótta og menningarmála í Neskaupstað.

Lesa meira...

Golfmót GN og Síldarvinnslunnar hf.

NeistaflugHið árlega golfmót Neistaflug GN og SVN h.f. fer að vanda fram laugardaginn um verslunarmannahelgina og hefst kl. 7.30.  Mótið verður glæsilegt og veitt vegleg verðlaun fyrir 1. – 3. sætið í höggleik karla, fyrir besta skor kvenna og unglinga, fyrir 1. – 5. sæti í opnum flokki skv. punktakerfi. Auk þess verða þrenn nándarverðlaun og að lokum dregið úr skorkortum viðstaddra við mótsslit. Í golfskálanum verða veitingar alla helgina og m.a. boðið upp á síldarhlaðborð að hætti Halla Kalla Jör og húsnefndar GN og eru allir gestir á Neistaflugi boðnir velkomnir að hlaðborðinu. Síldarvinnslan h.f. styrkir mótið af miklum myndarskap og þakkar stjórn GN fyrirtækinu frábæran stuðning bæði fyrr og nú.

Lesa meira...

Framkvæmdastjóraskipti hjá Síldarvinnslunni hf.

SVNAðalsteinn Helgason hefur látið af störfum sem framkvæmdastjóri Síldarvinnslunnar hf. og í stað hans hefur Gunnþór Ingvason verið ráðinn framkvæmdastjóri. Jóhannes Pálsson hefur einnig verið ráðinn framkvæmdastjóri erlendrar starfsemi ásamt því að hafa umsjón með markaðs, sölumálum og vinnslu.

Lesa meira...

Heimsókn Nesskóla

Nemendur NesskólaÍ dag er síðasti skóladagurinn í Nesskóla og héldu krakkarnir upp á það með heljarmikilli karnivalgöngu. Var skólanum skipt upp í hópa, sem svo skipti sér á fyrirtækin í bænum og sungu fyrir starfsfólk. Blái hópurinn kom til okkar og söng fyrir okkur 2 lög og fengu svala að launum. Þökkum fyrir þessa skemmtilegu uppákomu.

Rekstur Síldarvinnslunnar hf. árið 2006

SVNHagnaður tímabilsins 41 milljón króna. Rekstrartekjur samstæðunnar fyrir árið 2006 voru alls 9.123 milljónir króna og kostnaðarverð sölu nam 7.526 milljónum króna. Vergur hagnaður var því 1.597 milljónir króna. Aðrar tekjur samstæðunnar voru 186 milljónir króna.

Lesa meira...

M/s Súlan EA-300 komin austur aftur

Súlan EAÞetta er nokkur orðaleikur en Síldarvinnslan hf. tekur í kvöld við aflaskipinu Súlunni EA en gengið var frá þeim viðskiptum fyrir meira en ári síðan. Þar er kveðið á um afhendingu að lokinni vetrarloðnuvertíð 2007. Elsta Súlan var smíðuð í Gautavík í Noregi árið 1902 fyrir Konráð Hjálmarsson í Mjóafirði og bar einkennnisstafina SU-300.

Lesa meira...

Fyrsta loðnufrysting ársins

Jón Gunnar Sigurjónsson að meta loðnunaFyrsta loðnufrysting ársins er hafin, en Beitir NK og Guðmundur Ólafur ÓF komu með sitthvor 500 tonnin til Neskaupstaðar rétt fyrir hádegi á fimmtudaginn. Loðnan var í smærri kantinum eða um 60 stk/kg. og fór hún öll til frystingar. 15 manns komu að frystingunni og var fryst á vöktum um helgina.

Myndir af miðunum

Á síldar-miðunumHér eru nokkrar skemmtilega myndir sem Runólfur Hauksson tók á síldar-miðunum í byrjun des 2006. 

Lesa meira...

Öskudagskrakkar

Litríkir gestir á öskudagMikil ös hefur verið á skrifstofu Síldarvinnslunnar hf. í morgun. Krakkar, uppáklæddir sem allskyns furðuverur og fígúrur komu við og sungu fyrir starfsfólkið og fengu harðfisk að launum. Meðfylgjandi myndir sýna hluta af þessum skemmtilegu gestum sem komu í heimsókn.

Undirflokkar