Ágæt kolmunnaveiði

Beitir NK.  Ljósm. Þorgeir BaldurssonÁgæt kolmunnaveiði er nú á miðunum við Færeyjar. Heimasíðan hafði samband við Hjörvar Hjálmarsson skipstjóra á Beiti NK en Beitir var þá á veiðum um 70 mílur suður úr Mykinesi. Hjörvar sagði eftirfarandi um veiðina: „Við hófum veiðar í gær en þá var tómt bras á okkur því höfuðlínukapallinn var í ólagi.

Lesa meira...

Síldarvinnslan ræður 70 ungmenni til sumarstarfa

Úr fiskiðjuveri Síldarvinnslunnar.  Ljósm. úr safni SVN

Nýverið gekk Síldarvinnslan frá ráðningu um 70 ungmenna til sumarstarfa í Neskaupstað. Um er að ræða ráðningu í tvo starfsmannahópa; annars vegar starfsmenn í fiskiðjuver og hins vegar hóp sem sinnir umhverfisverkefnum.

Til starfa í fiskiðjuverinu voru ráðnir rúmlega 50 starfsmenn og eru flestir þeirra á aldrinum 18-20 ára. Munu þessir starfsmenn stunda vaktavinnu á makríl- og síldarvertíðinni sem hefst í júnímánuði.

Lesa meira...

Síldarvinnslan fyrir 50 árum

Síldarverksmiðja Síldarvinnslunnar eins og hún leit úr árið 1963.  Ljósm. Hjörleifur GuttormssonStofnfundur Síldarvinnslunnar hf. Í Neskaupstað var haldinn hinn 11. desember árið 1957. Tilgangur félagsins var að reisa og reka síldarverksmiðju, síldarverkun og annan skyldan atvinnurekstur í Neskaupstað. Síldarverksmiðjan var reist á árinu 1958 og hinn 17. júlí það ár hófst móttaka síldar til mjöl- og lýsisvinnslu. Þar með var starfsemi Síldarvinnslunnar á sviði fiskvinnslu hafin.

Lesa meira...

Vinnsla á kolmunna í fullum gangi í Neskaupstað og á Seyðisfirði

Frá fiskimjölsverksmiðjunni á Seyðisfirði.  Ljósm. Eyrún Guðmundsdóttir

Að sögn Gunnars Sverrissonar verksmiðjustjóra á Seyðisfirði hefur þar verið tekið á móti um 9.500 tonnum af kolmunna á vertíðinni. Beitir var að ljúka við að landa fullfermi, 2.100 tonnum, í morgun og Bjarni Ólafsson AK landaði rúmum 1.400 tonnum á laugardag. Vinnslan gengur mjög vel í verksmiðjunni og láta starfsmenn vel af sér.

Lesa meira...

Ágæt kolmunnaveiði eftir brælu

Sturla Þórðarson skipstjóri á Berki NK.  Ljósm. Þorgeir BaldurssonKolmunnaveiðin hefur verið að glæðast eftir enn eina bræluna á miðunum. Heimasíðan hafði samband við Sturlu Þórðarson skipstjóra á Berki NK og spurðist frétta af miðunum. Sturla sagði að veiðin hefði farið heldur rólega af stað eftir að veðrið gekk niður en nú væri ágætis veiði og talsvert að sjá. „Við byrjuðum að veiða á miðvikudagsmorgun en höfðum þá „slóað“ á miðunum í 12 tíma vegna veðurs. Í fyrsta holinu voru um 350 tonn en þá var híft eftir 17 tíma. Nú hafa hins vegar aflabrögðin breyst til hins betra og við vorum að taka 400 tonna hol eftir 5 tíma. Auðvitað vill maður alltaf betri veiði en það er varla ástæða til að kvarta undan núverandi aflabrögðum og útlitið er bara gott. Við erum komnir með 1400 tonn og vonandi fyllum við skipið með næsta holi“.

Góð veiði á Fætinum og vestur í Hvalbakshall

Aflinn ísaður um borð í Bjarti NK.  Ljósm. Þorgeir BaldurssonÍsfisktogarinn Bjartur NK kom inn úr veiðiferð á miðvikudagskvöld. Aflinn var um 90 tonn, mest þorskur. Veiðislóðin var sú sama og að undanförnu; á Fætinum og vestur í Hvalbakshall. Steinþór Hálfdanarson skipstjóri var ánægður með fiskiríið og sagði eftirfarandi í viðtali við heimasíðuna: „Þarna er búinn að vera nægur fiskur alllengi og það liggur við að við förum þarna og sækjum þann skammt sem okkur er ætlað að taka í hverri veiðiferð. Núna vorum við tvo daga að veiða í skipið og reyndar hefðum við getað tekið styttri tíma í það. Fiskurinn er hins vegar stærri núna en hann hefur verið að undanförnu og uppistaða aflans er þorskur sem er yfir þrjú kíló. Þetta er fallegur og góður fiskur sem hentar vel til vinnslu. Nú er ráðgert að halda til veiða á ný í fyrramálið og áformað að koma inn til löndunar á þriðjudag.“

Spariskipið Birtingur

Spariskipið Birtingur NK í höfn í Neskaupstað.  Ljósm. Þórhildur Eir Sigurgeirsdóttir
Birtingur NK liggur nú í Neskaupstað og hefur legið þar síðan loðnuvertíð lauk.  Hann fer í slipp til Akureyrar 6. maí og þá verður skipið meðal annars málað hátt og lágt.  Verktíminn í slippnum er áætlaður þrjár vikur.  Síðan verður skipinu lagt annaðhvort á Seyðisfirði eða Reyðarfirði og þar mun það bíða næsta verkefnis.  Í fyrra lá skipið á Seyðisfirði og önnuðust starfsmenn Síldarvinnslunnar þar eftirlit með því.
Eins og lesendum þessarar síðu er kunnugt hét Birtingur áður Börkur og hefur skipið verið í eigu Síldarvinnslunnar í 40 ár.  Skipið hefur ávallt verið einstakt happa- og aflaskip en nú má segja að það sé einungis gert út þegar kvóti er það mikill að önnur uppsjávarskip Síldarvinnslunnar, Börkur og Beitir, eiga í erfiðleikum með að ná honum.  Síldarvinnslan festi kaup á nýjum Berki í febrúar 2012 og þá fékk sá gamli nafnið Birtingur.  Þegar nýi Börkur kom stóð loðnuvertíð yfir og var kvótinn það ríflegur að Birtingur hélt áfram loðnuveiðum.  Á því ári fiskaði skipið alls 34.205 tonn af loðnu áður en því var lagt.  Birtingur hóf síðan á ný loðnuveiðar í febrúarmánuði s.l. og á nýliðinni vertíð bar hann 15.134 tonn að landi.

Ein stærsta útskipun ársins á frystri loðnu og frystur kolmunni kemur í staðinn

Green Guatemala að lesta frysta loðnu í Neskaupstað í dag.  Ljósm. Þórhildur Eir SigurgeirsdóttirNú liggur skipið Green Guatemala í höfninni í Neskaupstað og lestar frysta loðnu sem fer til Svartahafsins.  Um er að ræða eina stærstu útskipun ársins en skipið mun taka 5.000 tonn. Að sögn Heimis Ásgeirssonar yfirverkstjóra gengur lestun vel og fara um 1.000 tonn um borð í skipið á dag.

Í stað loðnunnar sem fer úr frystigeymslum Síldarvinnslunnar kemur frystur kolmunni. Vilhelm Þorsteinsson EA er væntanlegur seinni partinn á morgun með tæplega 600 tonn af frystum kolmunna og á fimmtudag er Hákon EA væntanlegur með um 750 tonn.

Heimir segir að miklar annir séu hjá starfsmönnum frystigeymslanna um þessar mundir og það sé svo sannarlega nóg að gera framundan.

Fínasta veiði á kolmunnamiðunum suður af Færeyjum

Börkur NK að landa kolmunna á Seyðisfirði í dag. Ljósm. Eyrún Guðmundsdóttir.Eftir að brælunni lauk á kolmunnamiðunum s.l. miðvikudag hefur verið fínasta veiði.  Börkur NK kom til Seyðisfjarðar klukkan eitt í nótt með fullfermi eða 1.800 tonn og Beitir NK er á landleið einnig með fullfermi eða 2.100 tonn.  Þegar rætt var við Hálfdan Hálfdanarson skipstjóri á Beiti um klukkan 10 í morgun sagði hann að þeir væru á leið til Seyðisfjarðar og ættu eftir 60-80 mílur í Norðfjarðarhorn. „Við verðum á Seyðisfirði í kvöld“, sagði Hálfdan,“það er búið að vera vitlaust veður á leiðinni en það er að ganga niður núna“. Hálfdan segir að eftir að brælunni á miðunum lauk sl. miðvikudag hafi almennt verið góð veiði hjá kolmunnaskipunum. Flest skipanna séu að fá 300-500 tonn í holi en misjafnt sé hve lengi er togað.  Stystu holin eru oft um 4 tímar en stundum er togað í allt að 10 tíma.  Veiðisvæðið er hið sama og verið hefur að undanförnu; um 90 mílur suður af Suðurey.  Fjarlægðin frá veiðisvæðinu í Norðfjarðarhorn er um 350 mílur og eru skipin um einn og hálfan sólarhring að sigla frá miðunum til Austfjarðahafna í góðu veðri.

Í Neskaupstað er búið að taka á móti um 8.300 tonnum af kolmunna til mjöl- og lýsisvinnslu ef talinn er með farmur Bjarna Ólafssonar AK sem nú er að landa.  Þá hefur einnig verið landað liðlega 1.450 tonnum af frystum kolmunna í Neskaupstað. 

Heimilað að veiða 15 þúsund tonn af makríl í grænlenskri lögsögu

Polar Amaroq.  Ljósm. Þórhildur Eir SigurgeirsdóttirFyrir nokkru ákváðu grænlensk stjórnvöld að heimila veiðar á 15 þúsund tonnum af makríl í grænlenskri lögsögu á komandi sumri.  Grænlendingar hafa farið þess á leit við íslensk stjórnvöld að fá að landa makrílnum á Íslandi og hefur verið fallist á að þeir fái að landa 12 þúsund tonnum hér á landi.
Í viðtali við Geir Zoëga skipstjóra á Polar Amaroq og áður skipstjóra á Eriku kom fram fyrir nokkru að vart hefði orðið við makríl í grænlenskri lögsögu í fyrra og hefði Erika m.a. veitt þar 2.500 tonn.  Nú hefur verið ákveðið að Íslendingar muni koma að rannsóknum á útbreiðslu makríls í grænlenskri lögsögu og er fyrirhugað að hafrannsóknaskipið Árni Friðriksson haldi þangað til rannsókna í sumar.
Grænlenska makrílkvótanum verður úthlutað til grænlenskra fyrirtækja en þau geta síðan framselt hann áfram til veiðiskipa.  Því er mögulegt að íslensk skip geti lagt stund á makrílveiðar innan grænlenskrar lögsögu á komandi sumri rétt eins og tveir togarar Brims gerðu um tíma s.l. sumar.

Góðir túrar hjá togurunum

Aðgerð um borð í Bjarti NK.  Ljósm. Þorgeir BaldurssonBjartur NK kom til hafnar í Neskaupstað í gær að aflokinni veiðiferð.  Aflinn var 93 tonn, þar af 83 tonn þorskur.
Barði NK kom að landi í dag með frystar afurðir að verðmæti tæplega 90 milljónir.  Uppistaða aflans er gullkarfi.
Bjartur heldur til veiða á ný sunnudaginn 28. apríl og er áætlað að hann landi fimmtudaginn 2. maí.  Barði heldur til veiða á úthafskarfa hinn 8. maí n.k.

Kolmunnaskipin halda út eftir brælu

Börkur NK á siglingu.  Ljósm. Þorgeir Baldursson


Íslensku kolmunnaskipin leituðu flest hafnar í Færeyjum s.l. mánudag vegna veðurs.  Þau hafa haldið á ný til veiða í morgun enda veðrið að ganga niður.  Fyrir bræluna var dágóð veiði á miðunum suður af Færeyjum.






Beitir NK landaði á Seyðisfirði aðfaranótt þriðjudags.  Hann nálgast nú kolmunnamiðin.

Hvert skipið á fætur öðru lestar frysta loðnu í Neskaupstað

Útskipun á frystri loðnu.  Ljósm. Þórhildur Eir Sigurgeirsdóttir

Um þessar mundir kemur hvert skipið á fætur öðru til Neskaupstaðar og lestar þar frysta loðnu.  Magnið sem skipin taka er misjafnlega mikið og má nefna að nýverið lestaði skip 300 tonn sem fóru til Pétursborgar og annað 250 tonn til Litháen.  Nú er hins vegar í höfninni skip sem mun lesta 2.500 tonn og á miðvikudag kemur annað sem mun lesta 5.000 tonn.  Báðir þessir stóru farmar munu fara til hafna við Svartahafið.

Að sögn Heimis Ásgeirssonar yfirverkstjóra fylgja þessum útskipunum verulegar annir en auk þeirra er unnið við að setja Japansloðnu í gáma.

Frosinn fiskur fer bæði út og inn úr frystigeymslunum því í fyrramálið er Hákon EA væntanlegur með 750 tonn af sjófrystum kolmunna.

 




Misjöfn veiði á kolmunnamiðunum - Beitir NK fékk 1.000 tonn í fyrradag

Beitir NK á landleið með fullfermi.  Ljósm. Þorgeir Baldursson

Um 7.500 tonn af kolmunna hafa nú borist til Neskaupstaðar en þar hafa kolmunnaskipin Börkur NK, Beitir NK, Bjarni Ólafsson AK og Hákon EA landað að undanförnu.  Allur aflinn hefur farið til mjöl- og lýsisvinnslu að undanskyldum tæplega 750 tonnum af sjófrystum kolmunna sem Hákon kom með að landi.

Beitir NK er nú á leið til Seyðisfjarðar með fullfermi eða 2.100 tonn og er væntanlegur þangað í kvöld.  Er þetta fyrsti kolmunnafarmurinn á vertíðinni sem berst til Seyðisfjarðar.

Hálfdan Hálfdanarson skipstjóri á Beiti segir að kolmunnaveiðin á gráa svæðinu við Færeyjar sé dálítið gloppótt en suma daga sé hörkugóð veiði.  Beitir fyllti í fyrradag og fékk samtals 1.000 tonn þann sólarhringinn.  Þegar veiðin er döpur toga skipin gjarnan í 12 tíma eða svo en í góðri veiði er togað í 3-5 tíma.

Síldarvinnslan tekur þátt í kaupum á nýju sneiðmyndatæki fyrir Fjórðungssjúkrahúsið í Neskaupstað

Sr. Sigurður R. Ragnarsson formaður Hollvinasamtakanna og Stefán Þorleifsson fyrrverandi forstöðumaður Fjórðungssjúkrahússins vígja nýja sneiðmyndatækið með formlegum hætti. Ljósm. Þórhildur Eir Í gær fór fram formleg afhending á þeim tækjabúnaði sem Fjórðungssjúkrahúsinu í Neskaupstað hefur verið færður að gjöf á árinu 2012 og það sem af er árinu 2013.  Guðbjartur Hannesson ráðherra velferðarmála veitti búnaðinum móttöku.  Á umræddu tímabili hefur sjúkrahúsið tekið á móti gjöfum að verðmæti tæplega 71 milljón króna.  Stærsta einstaka tækið sem um ræðir er nýtt tölvusneiðmyndatæki að verðmæti 45 milljónir.  Ýmsir komu að því að fjármagna kaupin á tækinu og lagði Síldarvinnslan 23 milljónir króna til verkefnisins.

Fyrirtæki og félagasamtök í Neskaupstað og á Austurlandi hafa svo sannarlega veitt sjúkrahúsinu góðan stuðning á undanförnum árum og þar hafa hin öflugu Hollvinasamtök stofnunarinnar gjarnan verið í broddi fylkingar.  Íbúunum í Neskaupstað og Austurlandi er fulljóst hve mikilvægt það er fyrir samfélagið að þar starfi vel búið sjúkrahús sem veitir góða og fjölþætta þjónustu og því vilja þeir sýna stofnuninni velvild og ræktarsemi með gjöfum sínum og stuðningi.

 

Polar Amaroq heldur til kolmunnaveiða

Polar Amaroq heldur til kolmunnaveiða á föstudag.  Ljósm. Þórhildur Eir Sigurgeirsdóttir

Polar Amaroq, hið nýja uppsjávarveiðiskip East Greenland Codfish, mun halda til kolmunnaveiða á gráa svæðinu við Færeyjar á föstudag.  Kolmunnakvóti skipsins er um 4.000 tonn og er áhugi fyrir því að láta vinna aflann til manneldis að sögn Geirs Zoëga skipstjóra.

East Greenland Codfish er eina grænlenska fyrirtækið í sögunni sem gert hefur út skip til uppsjávarveiða en áður en það festi kaup á Polar Amaroq átti það uppsjávarveiðiskipið Eriku.

Árið 2012 festi grænlenska útgerðarfyrirtækið Polar Seafood kaup á 66% hlut í East Greenland en eins og kunnugt er á Síldarvinnslan þriðjung í félaginu.

Nýlega var haft eftir stjórnarformanni Polar Seafood í fjölmiðlum að félagið hygðist auka vægi veiða og vinnslu á uppsjávarfiski á komandi árum enda væri makríll farinn að ganga inn í grænlenska lögsögu og líklegt væri að síld myndi einnig gera það í framtíðinni.

Enginn kraftur í kolmunnaveiðum ennþá

Börkur NK heldur til kolmunnaveiða.  Ljósm. Þórhildur Eir Sigurgeirsdóttir

Sigurbergur Hauksson skipstjóri á Berki NK segir að enginn kraftur sé enn kominn í kolmunnaveiðarnar.  „Það var mun betri veiði á sama tíma í fyrra“, segir Sigurbergur „og það er engu líkara en kolmunninn sé seinna á ferðinni nú.  Í gær kom smá neisti í þetta en fljótlega datt veiðin niður á ný.“

Sigurbergur upplýsir að skipin séu að toga 12-14 tíma og aflinn í hverju holi sé gjarnan á bilinu 200-400 tonn.  Börkur hélt til veiða s.l. föstudag og var aflinn orðinn 1.100 tonn þegar rætt var við skipstjórann.  Skipið hefur ekki getað verið samfellt að veiðum eftir að það kom á miðin vegna brælu sem skall á aðfaranótt mánudags.

„Við erum að toga núna“, segir Sigurbergur, „en árangurinn mætti vera betri.  Þetta hlýtur að fara að batna bráðlega og við erum bjartsýnir eins og alltaf.“

 




Rafvæðing fiskimjölsverksmiðjunnar var stórt framfaraskref

Fiskimjölsverksmiðjan í Neskaupstað.

Hinn 12. janúar s.l. var framkvæmdum við rafvæðingu fiskimjölsverksmiðju Síldarvinnslunnar í Neskaupstað lokið en þær höfðu þá staðið yfir í rúmt ár.  Greint var frá lokum framkvæmda við rafvæðinguna hér á heimasíðunni á sínum tíma og þá voru tíundaðir þeir almennu kostir sem felast í því að nota rafmagn í stað olíu við framleiðslu á fiskimjöli og lýsi.  Í fyrsta lagi stuðlar rafvæðingin að betri nýtingu á þeirri orku sem framleidd er í landinu.  Í öðru lagi er rafvæðingin umhverfisvæn framkvæmd þar sem hin græna endurnýjanlega raforka leysir olíuna af hólmi.  Í þriðja lagi er rafvæðingin gjaldeyrissparandi þar sem innlend orka kemur í stað innfluttrar og í fjórða lagi mun útblástur frá verksmiðjunni minnka.

Allir þessir kostir rafvæðingarinnar liggja fyrir en hvaða áhrif skyldi hún hafa haft á störf og starfsaðstæður í verksmiðjunni?  Tíðindamaður heimasíðunnar settist niður með þeim Guðjóni B. Magnússyni verksmiðjustjóra, Eiríki Sören Guðnasyni vaktformanni og Róbert Guðmundssyni þurrkaramanni og spurði þá um áhrif rafvæðingarinnar á störf þeirra. 

 

Fyrstu kolmunnafarmarnir á vertíðinni til Neskaupstaðar

Hákon EA að landa í Neskaupstað.  Ljósm. Ágúst Blöndal

Hákon EA kom til löndunar í Neskaupstað s.l. laugardag.  Aflinn var um 750 tonn af frystum kolmunna sem landað var í frystigeymslur Síldarvinnslunnar og 230 tonn sem fóru í mjöl- og lýsisvinnslu.

Í kvöld er síðan Beitir NK væntanlegur með fullfermi, 2.100 tonn af kolmunna til mjöl- og lýsisvinnslu. 

Börkur NK hélt til kolmunnaveiða s.l. föstudag.

 

Börkur er orðinn blár

Börkur NK kominn með einkennislit Síldarvinnslunnar.  Ljósm. Þórhildur Eir Sigurgeirsdóttir

Börkur NK hefur verið í slipp á Akureyri að undanförnu þar sem sinnt hefur verið venjubundnu viðhaldi á skipinu.  Skipið hefur meðal annars verið málað hátt og lágt og nú hefur það loksins fengið hinn bláa einkennislit Síldarvinnslunnar.  Börkur var keyptur frá Noregi í febrúar 2012 og var þá svartur eða svarblár á litinn og hefur hann haldið þeim lit til þessa.  Ekki hefur gefist tími til að mála hann fyrr en nú þar sem hann hélt beint til veiða þegar hann kom.

 

Undirflokkar