Börkur NK kom í nótt með fyrstu loðnu þessarar loðnuvertíðar.  Var hann með um 1.300 tonn af stórri og fallegri loðnu til frystingar í Fiskiðjuveri Síldarvinnslunnar hf.  Reiknað er með að frystingin taki á annan sólarhring en þess má geta að frystiafköst á sólarhring er um 450 tonn. 

Súlan EA hélt til loðnuveiða í morgun og Börkur NK heldur til veiða um leið og búið er að vinna aflann. 

Undanfarnar vikur hafa starfsmenn Síldarvinnslunnar hf. verið á skyndihjálparnámskeiðum frá Rauða Krossi Íslands.  Búið er að halda 3 námskeið, eitt í fiskiðjuveri og tvö í fiskimjölsverk-smiðjunni í Neskaupstað.  Fyrirhuguð eru námskeið fyrir pólska starfsmenn og einnig fyrir starfsmenn á Seyðisfirði og í Helguvík.  Þessi námskeið eru liður í að auka öryggi á vinnustöðum