Aukning loðnukvótans skiptir miklu máli

Loðnuvinnsla


Í gær var tekin ákvörðun um að bæta 150 þúsund tonnum við
loðnukvóta yfirstandandi vertíðar.  Þessi
ákvörðun er tekin á grundvelli upplýsinga sem rannsóknaskipið Árni Friðriksson
hefur aflað að undanförnu, en það hefur verið við loðnuleit út af Austfjörðum,
Norðurlandi og Vestfjörðum.  Ekki hefur
verið unnið úr öllum þeim gögnum sem hafrannsóknaskipið hefur aflað og því er
ekki vitað hvort kvótinn verði aukinn enn frekar.



Fyrir Síldarvinnsluna skiptir aukning loðnukvótans afar
miklu máli.  Aukningin felur í sér að við
kvóta skipa Síldarvinnslunnar bætist samanlagt um 24.000 tonn og allt stefnir í
góða vertíð enda verð á mjöli og lýsi hátt og markaðir fyrir frysta loðnu
sterkir.

Loðnuveiði hafin á ný að aflokinni brælu

Beitir NK     Ljósm. Þorgeir Baldursson


Að aflokinni nokkurra daga brælu er loðnuveiði hafin á
ný.  Í gær og fyrradag voru skipin bæði
að veiða í troll og nót og síðastliðna nótt var mokveiði í trollið.



Erika er á landleið til Neskaupstaðar með 700 tonn sem
fengust í nót.  Sá afli fer í frystingu í fiskiðjuveri SVN.

Beitir NK heldur væntanlega til veiða í dag en Börkur NK er í höfn.  Gert er ráð fyrir að Beitir veiði í trollið.



Rannsóknaskipið Árni Friðriksson hefur verið við
loðnumælingar og bíða menn spenntir ákvörðunar um hvort bætt verður við kvótann
eður ei

Mikil umsvif í Norðfjarðarhöfn - fyrirhuguð stækkun hafnarinnar

Annir í höfninni    Ljósm. Anna Margrét SigurðardóttirAllir sem til þekkja gera sér grein fyrir að umsvifin í
Norðfjarðarhöfn og starfsemi Síldarvinnslunnar mynda eina samofna heild. 
Starfsemi Síldarvinnslunnar skapar mikla
umferð um höfnina og gerir það að verkum að Norðfjarðarhöfn er önnur af tveimur
stærstu fiskihöfnum landsins.
  Í þessu
sambandi er rétt að geta þess að í Neskaupstað rekur Síldarvinnslan stærstu
frystigeymslur á landinu sem rúma 20 þúsund tonn.





Tekjurnar af Norðfjarðarhöfn vega þungt hjá Fjarðabyggðarhöfnum
og eiga sinn þátt í því að hafnarsjóður Fjarðabyggðar er annar öflugasti hafnarsjóður
landsins.

Þokkaleg aflabrögð hjá togurunum

Bjartur NK


Aflabrögð togara Síldarvinnslunnar hafa verið þokkaleg frá áramótum, en
veður hefur töluvert hamlað veiðum.



Ísfisktogarinn Bjartur NK kom nú í vikunni úr sinni fjórðu veiðiferð á
árinu.
  Aflinn var 40 tonn, þar af 20
tonn þorskur.
  Veður var einkar slæmt í veiðiferðinni
og því var aflinn óvenju rýr.
  Bjartur NK
hefur alls aflað um 330 tonn frá áramótum og er þorskur og ufsi uppistaða
aflans.






Frystitogarinn Barði NK hélt til veiða 5. janúar og lauk veiðiferðinni
s.l. laugardag.
  Landaði hann 320 tonnum
(upp úr sjó) og er aflaverðmætið 93 milljónir króna.
  Uppistaða aflans var ufsi, karfi og grálúða.






 Bjartur heldur á ný til veiða á morgun, fimmtudag, en Barði hinn 6. febrúar.