![](https://svn.is/wp-content/uploads/2021/03/Bergey_i_VES_nov_2020_GA.jpg)
Ísfisktogarinn Bergey VE landaði fullfermi í Vestmannaeyjum í gær. Í kjölfar þess verður tveggja daga stopp á meðan skipt verður um togvíra. Heimasíðan ræddi við Jón Valgeirsson skipstjóra. „Aflinn sem við lönduðum í gær var að mestu þorskur sem við fengum á Pétursey og Vík. Það hefur verið góður afli á þessum slóðum að undanförnu og við höfum landað fullfermi tvisvar í viku. Mér líst býsna vel á framhaldið. Næst munum við halda austur og reyna við ýsu og ufsa. Við sjáum til hvernig það mun ganga,“ segir Jón.