Samkoman var vel sótt og mátti sjá marga aðstandendur þeirra sem farist hafa í starfi hjá Síldarvinnslunni á meðal gesta. Smári Geirsson greindi frá aðdraganda stofnunar Síldarvinnslunnar og upphafi starfsemi fyrirtækisins og Gunnþór B. Ingvason fjallaði um fyrirhugaða samkeppni um gerð minningarreits. Þá fluttu Jón Hilmar Kárason gítarleikari og Hildur Þórðardóttir flautuleikari tónlist.
Að lokinni kaffidrykkju héldu samkomugestir inn á grunn gömlu síldarverksmiðjunnar og þar minntist Gunnþór B. Ingvason þeirra sem farist hafa í starfi hjá fyrirtækinu. Allar aðstæður voru skoðaðar og virtist gestunum lítast vel á gerð minningarreits á þessum stað.
Á næstunni mun samkeppnin um gerð minningarreitsins verða auglýst og vonandi munu margir sjá ástæðu til að skila inn tillögum.
að gera minningarreit. Ljósm. Smári Geirsson