Loðnufrysting hefur gengið vel í fiskiðjuveri Síldarvinnslunnar það sem af er vertíðinni. Markaðir fyrir frysta loðnu eru sterkir um þessar mundir og verð há. Um s.l. mánaðamót hófst frysting á svonefndu „Japansmixi“ og áfram er haldið að frysta á Austur-Evrópu. Í höfninni er skip sem lestar 4.000 tonn af frystri loðnu enda er brýnt að losa frystigeymslurnar sem fyllast jafnóðum.
