Öskudagur í ófærð

oskud 09 3.jpgÖskudagurinn var haldinn hátíðlegur í gær í leiðindaveðri og mikilli ófærð.  Þeir hörðustu létu það nú ekki aftra sér í að arka af stað í sína árlegu öskudagsgöngu. Var það góður hópur sem lagði leið sína til okkar og söng fyrir okkur og fékk harðfisk og blöðru að launum.  Klukkan 14:00 í gær fóru svo krakkarnir á öskudagsball sem foreldrafélag Nesskóla stóð fyrir í íþróttahúsinu og var mætingin mjög góð þar.
Takk fyrir okkur krakkar

Lesa meira...

Fyrsta loðna vetrarins

Líneik og Kawa við sýnatökuBörkur NK kom með um 1.000 tonn af loðnu á sunnudaginn sem hann fékk fyrir sunnan land.  Hrognahlutfallið er komið í um 18-21% og hentar það vel á japansmarkað.  Fyrsta sólarhringinn voru frystar 33.000 pakkningar.  Loðnan er mjög góð og væntanlega verður unnt að frysta stærsta hluta aflans til manneldis.

Fagraberg landar síld

Fagraberg FD-1210 landar síld.

Norsk-íslensk síld er nú unnin á vöktum í fiskiðjuveri Síldarvinnslunnar hf. það var færeyska skipið Fagraberg FD-1210 sem kom með ca. 1.400 tonn til vinnslu.  Vinnsla hófst síðustu nótt og stendur fram á laugardag.  Það má segja með sanni að starfsmenn fiskiðjuversins taka þessari sendingu frá vinum okkar fegins hendi meðan beðið er eftir að loðnuvertíð fari í gang.

Lesa meira...

Sérstök viðurkenning fyrir starf í þágu forvarna

tm logo.jpgTryggingamiðstöðin hf. veitti á dögunum forvarnarverðlaunin Varðbergið sem Lýsi hf. hlaut.  Verðlaunin hlýtur árlega viðskiptavinur Tryggingamiðstöðvarinnar (TM) sem þykir skara fram úr á sviði forvarna gegn óhöppum og slysum.  TM veitti jafnframt fyrirtækjunum Guðmundur Tyrfingsson ehf. og Síldarvinnslunni hf. sérstaka viðurkenningu fyrir starf í þágu forvarna.

Lesa meira...

Jólaball 9. bekkjar og SVN

Jólaball í EgilsbúðJólaball 9. bekkjar Nesskóla og Síldarvinnslunnar hf. var haldið í gær og var mætingin góð.  Krakkarnir í 9. bekk sáu alfarið um framkvæmd jólaballsins ásamt Birtu Sæmundsdóttur en þau eru að safna fyrir skólaferðalagi í vor.  Boðið var upp á kaffi og svala en einnig var hægt að láta mynda sig með jólasveininum.  Jólasveinarnir dönsuðu með krökkunum og gáfu þeim svo ávexti áður en þeir héldu aftur til fjalla.

Lesa meira...

Opinn fundur um hafrannsóknir

Opinn fundur um hafrannsóknirSíldarvinnslan hf. og Hafrannsóknarstofnun standa fyrir opnum fundi um rannsóknir á uppsjávarfiskum í Egilsbúð, Neskaupstað í dag kl. 14:00.

Á fundinum fjallar Þorsteinn Sigurðsson, forstöðumaður Nytjastofnasviðs Hafrannsóknarstofnunarinnar, um ástand helstu uppsjávarfiskistofna við Ísland.  Gert verður grein fyrir mati á ástandi stofnanna, á veiðum á þeim og breytingum á útbreiðslu þeirra undanfarin ár.  Jafnframt verður gert grein fyrir rannsóknum á þeirri alvarlegu sýkingu sem upp hefur komið í íslensku sumargotssíldinni.

Jólakveðja

JólakveðjaSíldarvinnslan hf. óskar starfsmönnum sínum og viðskiptamönnum gleðilegra jóla og farsældar á komandi ári.  Þökkum samskiptin á árinu sem er að líða.

Síldarvinnslan hf. styrkir Mæðrastyrksnefnd

Brettin sótt í frystigeymslu SVNSíldarvinnslan hf. ákvað að senda Mæðrastyrksnefnd Reykjavíkur 4 bretti af sjófrystum ýsuflökum sem gera 4,2 tonn.  

Með þessu viljum við leggja okkar af mörkum og aðstoða þá sem eru að fara illa út úr þeim áföllum sem á okkar hafa dunið að undanförnu. 

Lesa meira...

Síld til manneldis

SíldarflokkunFæreyska skipið Carlton KG-381 kom með fyrsta síldarfarminn í manneldisvinnslu til Norðfjarðar í gær sunnudag, þessi síld var kærkomin til að prufukeyra nýbreyttan vinnslusal fiskiðjuvers Síldarvinnslunnar hf.  Undanfarið hafa verið gerðar gagngerar breytingar á vinnslusal fiskiðjuversins til að auka framleiðslu síldarafurða og lofar þessi fyrsta vinnsla góðu varðandi framtíðina.  

Lesa meira...

Síldarvinnslan hf. kaupir Áskel EA-48

Áskell EA-48Síldarvinnslan hf. hefur fest kaup á Áskeli EA-48 af Gjögri hf.  Áskell EA-48 er nóta- og togveiðiskip smíðað í Ulsteinvik, Noregi árið 1987.  Skipið er 820 brúttórúmlestir, 57 metrar að lengd og 12,5 metrar að breidd.  Aðalvél skipsins er af gerðinni Bergen Diesel 3.000 hestöfl.  Skipið verður afhent í næstu viku og fer væntanlega til síldveiða fyrir mánaðarmót.  Skipið mun bera nafnið Birtingur NK-119.

Jóhannes Pálsson lætur af störfum

Jóhannes Pálsson Jóhannes Pálsson Framkvæmdastjóri markaðs- og sölumála – Viðskiptaþróun lætur af störfum hjá Síldarvinnslunni hf. 1. ágúst n.k.  Jóhannes hefur verið ráðinn til starfa hjá Aker Seafoods ASA í Osló Noregi sem framkvæmdastjóri framleiðslu fyrirtækisins með starfsstöðvar í Noregi, Svíþjóð, Danmörku og Frakklandi.

Lesa meira...

Bjarni Ólafsson kom með sumarsíld í gær

Bjarni Ólafsson AK með fyrstu síld sumarsinsBjarni Ólafsson AK landaði í gærdag með fyrstu sumarsíldinni úr norsk-íslenska stofninum á Norðfirði.  Aflinn var um 1.400 og hófu þeir vinnslu í bræðslunni í gærkvöldi.  Hákon EA landaði síldarhrati í nótt og von er á Vilhelm Þorsteinssyni EA til Norðfjarðar í dag með frystar síldarafurðir.  Skipin fengu aflann á miðunum við Jan Mayen. 

Lesa meira...

Aðalfundur Síldarvinnslunnar hf.

Síldarvinnslan 

Verður haldinn fimmtudaginn 3. apríl 2008 í Jósafatssafni, Neskaupstað kl. 16:00. 


{nomultithumb}

Lesa meira...

Fréttatilkynning

Rekstur Síldarvinnslunnar hf. á árinu 2007:

Hagnaður fyrir skatta 2.507 milljónir króna

Síldarvinnslan hf. var rekin með 2. 507 milljóna króna hagnaði fyrir skatta á árinu 2007. Hagnaður fyrir afskriftir og fjármagnsliði, EBITDA, er 2.738 milljónir króna eða 27% af rekstrartekjum. Veltufé frá rekstri nam 1.915 milljónum króna og handbært fé frá rekstri nam 2.246 milljónum króna.
 

Lesa meira...

Kynlegir kvistir á ferð

Kynlegir kvistir á ferðLítið lát var á gestagangi á skrifstofu Síldarvinnslunnar hf. í Neskaupstað í morgun.  Uppáklæddir krakkar komu og sungu fyrir starfsfólkið og fengu harðfisk og blöðru að launum. Foreldrafélag Nesskóla stendur svo fyrir balli í íþróttahúsinu frá 14-16 og er reiknað með miklu fjöri þar í dag. {nomultithumb}

Lesa meira...

Opinn fundur í Neskaupstað

Fundur um hafrannsóknir í safnahúsinu, þann 28. desember kl. 14:00

Fyrirlesarar
- Einar Hjörleifsson flytur erindi um stofnmat þorsks:  Mælingar undirstaða þekkingar.
- Haraldur Einarsson flytur erindi um nýlegar athuganir á loðnuveiðum með flotvörpu.
- Almennar umræður að loknum erindum.

Gleðileg jól

Gleðileg jólSíldarvinnslan hf. óskar starfsfólki sínu og viðskiptavinum gleðilegra jóla og farsældar á nýju ári.
Einnig viljum við þakka þeim fjölmörgu sem glöddu okkur á afmælisdaginn þann 11. desember s.l.

 

Ný bók: Síldarvinnslan hf. Svipmyndir úr hálfrar aldar sögu

svnbokin07c.jpgÍ tilefni þess að 50 ár eru liðin frá stofnun Síldarvinnslunnar kemur út í dag bókin Síldarvinnslan hf. svipmyndir úr hálfrar aldar sögu eftir Smára Geirsson. Í bókinni er brugðið upp svipmyndum úr sögu Síldarvinnslunnar sem um þessar mundir er þriðja stærsta sjávarútvegsfyrirtækið á Íslandi með starfsstöðvar á fjórum stöðum á landinu auk þess sem það á hlutdeild í nokkrum fyrirtækjum bæði hér á landi og erlendis. Í svipmyndunum koma fram lykilupplýsingar um þróun fyrirtækisins en saga þess ber öll merki þeirra sviptinga sem íslenskur sjávarútvegur hefur gengið í gegnum síðustu fimmtíu árin.

  Bókin er um 200 blaðsíður í stóru broti og prýða hana á þriðja hundrað ljósmyndir sem hver og ein segir sína sögu. Það er bókaútgáfan Hólar sem gefur bókina út en hún er prentuð í prentsmiðjunni Odda. {nomultithumb}

Opið hús í fiskiðjuveri

Opið hús 8.nóv 07Á laugardaginn var opið hús í fiskiðjuveri Síldarvinnslunnar hf. af tilefni 50 ára afmæli félagsins sem er 11. desember.  Ljósmyndasýning var á gangi fiskiðjuversins sem spannaði gróflega 50 ára söguna en myndirnar voru teknar úr bókinni Saga Síldarvinnslunnar hf. í 50 ár eftir Smára Geirsson.  Bæjarbúar létu sig ekki vanta og heimsóttu okkur og fengu sér kaffi og meðlæti.

Safnahúsið í Neskaupstað var einnig opið öllum um helgina og var það vel sótt. 

Lesa meira...

Fiskiðjuverið fær sjálfvirkan pökkunarbúnað

Menn frá Skaganum hf. við uppsetningu pökkunarvélaNú standa yfir breytingar í fiskiðjuveri Síldarvinnslunnar hf.  Verið er að setja upp sjálfvirkan pökkunarbúnað fyrir uppsjávarfisk þ.e. loðnu og síld.  Þetta eru talsverðar breytingar á salnum frá því sem var, en í þessum sal fór áður fram söltunar- og pökkunarhluti saltsíldarframleiðslunnar eftir flutninginn úr gamla frystihúsinu í fiskiðjuverið.  Framkvæmdirnar ganga vel og eru á áætlun en reiknað er með að nýju pokavélarnar verði klárar til keyrslu og prófunar í desember.

 

Lesa meira...

Undirflokkar