Starfsmenn teknir tali











Líneik Haraldsdóttir og Sylvía Kolbrá Hákonardóttir
 Líneik Haraldsdóttir og Sylvía Kolbrá Hákonardóttir

Í tilefni þess að fryst hafa verið 15.000 tonn af loðnu í fiskiðjuveri Síldarvinnslunnar í Neskaupstað það sem af er vertíðinni voru tveir starfsmenn þess teknir tali.  Starfsmennirnir eru Líneik Haraldsdóttir og Sylvía Kolbrá Hákonardóttir.






Líneik hefur starfað hjá Síldarvinnslunni


frá 1985 og komst svo að orði:






Ég hef upplifað gríðarlegar breytingar á starfstíma mínum hjá Síldarvinnslunni.  Ég hóf störf við saltfisk- og skreiðarverkun en með tímanum hefur vinnsla á uppsjávarfiski sífellt orðið mikilvægari hjá fyrirtækinu.  Fyrstu hausskurðarvélarnar sem notaðar voru við síldarsöltun eru í fersku minni og síðan hefur tæknivæðingunni fleygt fram.  Í gamla frystihúsinu var verið að frysta 60-70 tonn á sólarhring en nú frystum við yfir 500 tonn.  Þrátt fyrir þessa afkastaaukningu hefur starfsmönnum fækkað mikið.






Áður fyrr var vinnan þrælerfið og vinnuaðstæður oft ekki góðar en nú eru störfin miklu léttari vegna tæknivæðingar.






Í fiskiðjuverinu er unnin vaktavinna og hún getur verið þreytandi á álagstímum.  Þegar álagið er mest skiptir starfsandinn miklu máli og sem betur fer er andinn góður á vinnustaðnum.






Auðvitað vega launin þungt hjá okkur starfsfólkinu og við fáum góð laun fyrir mikla vinnu.  Á loðnu- og síldarvertíðum greiðir fyrirtækið myndalegan bónus ofan á tímakaup og allt starfsfólkið hefur síðan fengið launauppbót tvisvar á ári. Ég tel að fyrirtækið geri afar vel við starfsfólk sitt en auðvitað ætti dagvinnutaxti verkafólks að vera miklu hærri.






Þegar við náum markmiðum eins og að setja met í loðnufrystingu samgleðjast allir hjá fyrirtækinu og mér finnst við alveg hafa efni á því að fyllast stolti.

Nýtt met í loðnufrystingu

LoðnuvinnslaFryst hafa verið 15 þúsund tonn af loðnu í fiskiðjuveri Síldarvinnslunnar í Neskaupstað það sem af er vertíð.  Um er að ræða frystingarmet en mest hafa áður verið fryst tæplega 14 þúsund tonn á loðnuvertíðinni 2005.  Ekki er vitað til þess að jafn mikið hafi verið fryst á vertíð hjá einu fyrirtæki hér á landi.  Gera má ráð fyrir að heildarfrystingin á vertíðinni verði 16-17 þúsund tonn þegar upp verður staðið í lok vertíðar.






Unnið hefur verið að ýmsum umbótum á fiskiðjuverinu þannig að afköst þess hafa aukist verulega og eru gjarnan fryst yfir 500 tonn á sólarhring þegar best lætur.  Þá hefur að undanförnu verið fjárfest í nýjum frystitækjum vegna makrílfrystingar og nýtast þau einnig vel á loðnuvertíðinni.






Í fiskiðjuverinu er loðnan fryst í þrjá meginflokka:  Á Austur-Evrópu, Japansmix og Japansfrysting.  Hingað til hafa rúmlega 10 þúsund tonn verið fryst fyrir markað í Austur-Evrópu en annað í Japansmix og fyrir Japansmarkað.






Fyrir utan framleiðsluna í fiskiðjuverinu hafa loðnuskipin Hákon ÞH, Vilhelm Þorsteinsson EA og Kristina EA landað samtals 11.500 tonnum af frystri loðnu í frystigeymslur Síldarvinnslunnar í Neskaupstað á vertíðinni.




Fyrsta loðnan á vertíðinni til Helguvíkur

Vilhelm Þorsteinsson EA að landa fyrsta loðnufarminum á vertíðinni í Helguvík.   Ljósm. Eggert Ó. EinarssonÍ gær, sunnudaginn 24. febrúar, barst fyrsta loðnan á yfirstandandi vertíð til fiskimjölsverksmiðju Síldarvinnslunnar í Helguvík. Það var Vilhelm Þorsteinsson EA sem kom þangað með fullfermi, 2.400 tonn.






Eggert Ólafur Einarsson, verksmiðjustjóri í Helguvík, segir að þar birti svo sannarlega yfir mönnum þegar fyrsta loðnulöndunin á sér loks stað enda hafi starfsmenn verksmiðjunnar beðið í töluverðan tíma eftir því að hlaðið loðnuskip komi í höfnina. Í verksmiðjunni í Helguvík eru 10-12 fastir starfsmenn en á vinnslutíma fjölgar starfsmönnunum og eru þeir þá um 20 talsins. Allir starfsmennirnir eru reynslumiklir og hefur vinnslan í verksmiðjunni gengið vel á fyrri vertíðum.






Á síðustu vertíð var tekið á móti um 42.000 tonnum af loðnu í Helguvík en sýnt þykir að magnið verður mun minna á þessari vertíð. Kvótinn á yfirstandandi vertíð er minni en á þeirri síðustu, loðnan hefur verið dreifðari og veðráttan ekki nægilega hagstæð til veiða. Allir þessir þættir stuðla að því að Helguvíkurverksmiðjan mun fá minna í sinn hlut. Í fyrra barst fyrsta loðnan til Helguvíkur hinn 8. febrúar en nú ekki fyrr en liðlega hálfum mánuði síðar. 




Síldarvinnslan hf. - Staðreyndir um eignarhaldið

Síldarvinnslan hf. - Staðreyndir um eignarhaldið


Í umfjöllun að undanförnu hafa komið fram mjög villandi fullyrðingar um tengsl Síldarvinnslunnar og Samherja, þar sem viðkomandi aðilar hafa vísvitandi reynt að gera eignarhald á Síldarvinnslunni hf. tortryggilegt.






Staðreyndir málsins eru þessar: 






Hluthafar í Síldarvinnslunni eru alls 292. Þar af eiga 20 stærstu hluthafarnir 99,37% hlutafjárins og 5 stærstu eiga 96,75%. Samherji er stærsti einstaki hluthafinn og er eignarhlutur félagsins 44,64%. 






Stjórnun Síldarvinnslunnar er með hefðbundnum hætti og kýs aðalfundur félagsins þriggja manna stjórn. Síðastliðin 10 ár hefur stjórnin verið kjörin einróma og á aðalfundunum hefur full eining ríkt um stefnu og starfsemi félagsins. Á þrjá síðustu aðalfundi hafa mætt fulltrúar handhafa 97-99% hlutafjár.






Núverandi stjórn er skipuð Þorsteini Má Baldvinssyni frá Samherja (44,64% hlutafjár), Inga Jóhanni Guðmundssyni frá Gjögri (34,23% hlutafjár) og Freysteini Bjarnasyni frá Samvinnufélagi útgerðarmanna í Neskaupstað (10,97% hlutafjár). Varamaður er Halldór Jónasson frá Eignarhaldsfélaginu Snæfugli (5,29% hlutafjár). Þorsteinn Már er núverandi stjórnarformaður. Hver stjórnarmaður hefur eitt atkvæði og í öllum tilvikum geta tveir stjórnarmenn myndað meirihluta.

Bjartsýni þrátt fyrir óvenjulegt ástand á loðnumiðunum

Mikið kastað á loðnumiðunum. Í nótakassanum á Birtingi NK.  Ljósm. Þorgeir Baldursson

Börkur NK kom til Seyðisfjarðar í morgun með 1.500 tonn af loðnu og er að landa þar í mjöl- og lýsisvinnslu.  Síðan verður haldið til Neskaupstaðar og landað 750 tonnum af farminum í frystingu.

Að sögn Sturlu Þórðarsonar skipstjóra fékkst aflinn í 7 – 8 köstum og þurfti mikið að hafa fyrir honum.  Sturla segir að óvenjulegt ástand ríki á loðnumiðunum; loðnan sé dreifð og því nái skipin sjaldan góðum köstum.  Um þetta leyti á venjulegri loðnuvertíð sé loðnan í stórum kekki við suðurströndina og mokveiði, en nú sé því ekki að heilsa.  Þá sé óvenjulegt að loðna finnist víða við landið, bátar séu að fá afla norður við Grímsey og einnig við Vestmannaeyjar.

Sturla segist ekki muna eftir sambærilegu ástandi á hinum hefðbundnu loðnumiðum við suðurströndina um þetta leyti árs.

Aðspurður segist Sturla vera bjartsýnn á að loðnukvótinn náist þrátt fyrir að veiðin mætti vera kröftugri þessa dagana.  Hann gerir fastlega ráð fyrir vesturgöngu og minnir á að stundum hafi loðnuveiðar staðið yfir allt fram í aprílmánuð.

 

Rólegt yfir loðnuveiðum


Börkur NK landaði um 1.400 tonnum í Neskaupstað um helgina og þar af um 700 tonnum í frystingu.  Þeir eru komnir aftur á miðin.

Beitir NK landaði um 1.700 tonnum á laugardag og þar af fóru um 850 tonn í frystingu.

Bjarni Ólafsson AK er að landa um 750 tonnum í frystingu í dag.

Birtingur NK er að veiðum.



Bjartu NK er í slipp á Akureyri.

Barði NK er að veiðum. 

Fjarðanet setur upp tvær nýjar grunnnætur

Nýja nótin tekin um borð í Börk NK.    Ljósm. Jón Einar Marteinsson


Fyrir yfirstandandi loðnuvertíð setti Fjarðanet upp tvær nýjar grunnnætur, aðra fyrir Börk NK og hina fyrir Vilhelm Þorsteinsson EA.  Nótin fyrir Börk NK var sett upp í Neskaupstað en nótin fyrir Vilhelm Þorsteinsson EA á Akureyri.  Fjarðanet hf. rekur alhliða veiðarfæraþjónustu á fjórum stöðum á landinu; Neskaupstað, Akureyri, Ísafirði og Fáskrúðsfirði.






Hönnun og uppsetning nýju nótanna var unnin af starfsfólki Fjarðanets en netið í þær flutt inn frá Kína.  Næturnar eru 230 faðma langar og 60 faðma djúpar, hefðbundnar grunn- eða vetrarnætur.  Þessar nýju nætur eru þó sterkari en eldri nætur því skipin hafa stækkað og álagið á veiðarfærin aukist í samræmi við það.






Á vegum Fjarðanets er unnið með reglubundnum hætti að viðhaldi og endurnýjun loðnu- og síldarnóta en ný nót hefur ekki verið sett upp hjá fyrirtækinu um langt skeið.  Reyndar hefur ný nót ekki verið sett upp í Neskaupstað síðan 1978, en þá setti fyrirrennari Fjarðanets þar, Netagerð Friðriks Vilhjálmssonar hf., upp nót fyrir Magnús NK.

Japansfrysting er hafin

Tveir af þeim tíu Japönum sem nú dvelja í Neskaupstað og fylgjast með loðnufrystingu.  Takahashi til vinstri og Kusayanagi til hægri.


Japansfrysting er hafin í fiskiðjuveri Síldarvinnslunnar í Neskaupstað þar sem hrognafylling loðnunnar er orðin 16% en að undanförnu hefur verið framleitt á Austur-Evrópu og svonefnt „Japansmix“






Frysting í fiskiðjuverinu hefur gengið afar vel það sem af er loðnuvertíðinni og hefur vinnslan verið nær samfelld.


Hvorki fleiri né færri en tíu fulltrúar japanskra kaupenda eru í Neskaupstað um þessar mundir og fylgjast grannt með vinnslustarfseminni og því hráefni sem berst að landi.




Bræla síðasta sólarhring á loðnumiðunum


Beitir NK landaði í gær um 1.600 tonnum og þar af fóru um 1.200 tonn í frystingu, þeir héldu aftur til veiða í nótt.

Börkur NK landaði 600 tonn í bræðsluna á Seyðisfirði í gær og eru núna að landa um 700 tonnum í frystingu.

Erika landaði fullfermi á Seyðisfirði í gær og eru komnir aftur á miðin.



Bjartur NK heldur til veiða í dag og Barði NK er að veiðum.

Fiskimjölsverksmiðjan á Seyðisfirði komin í fullan gang

Loðnu landað á Seyðisfirði   Ljósm. Gunnar SverrissonEftir kvótaaukningu í þessum mánuði fór að berast loðna fyrir alvöru til fiskimjölsverksmiðju Síldarvinnslunnar á Seyðisfirði en í janúarmánuði bárust einungis 4 þúsund tonn til hennar.  Loðnulöndun eftir kvótaaukningu hófst hinn 9. febrúar og síðan hefur verið landað í verksmiðjuna daglega.  Erika hefur landað í tvígang frá þessum tíma og er að koma með þriðja farminn í kvöld.  Þá hafa Birtingur NK og Börkur NK einnig landað á Seyðisfirði síðustu daga.






Nú eru komin á land á Seyðisfirði um 10 þúsund tonn og á loðnuvertíð glaðnar yfir öllum á staðnum.  Loðnan skiptir máli fyrir starfsmenn verksmiðjunnar, skapar hafnarsjóði tekjur og verslunum og þjónustufyrirtækjum verkefni.






Á árinu 2012 tók verksmiðjan á Seyðisfirði á móti um 64 þúsund tonnum, um 52 þúsund tonnum af loðnu og rúmum 11 þúsund tonnum af kolmunna.






Gunnari Sverrissyni verksmiðjustjóra á Seyðisfirði líst vel á yfirstandandi loðnuvertíð og segir að nú skipti öllu máli að ná kvótanum og gera sem mest verðmæti úr hráefninu.




Loðnukvótinn aukinn á ný

Börkur NK á landleið á síðustu loðnuvertíð


Í gær ákvað atvinnuvegaráðherra að auka loðnukvótann um 120 þúsund tonn til viðbótar við áður útgefnar aflaheimildir. Þessi ákvörðun er tekin á grundvelli tillagna Hafrannsóknastofnunar í kjölfar niðurstaðna loðnuleitar rannsóknaskipsins Árna Friðrikssonar á tímabilinu 21. janúar til 7. febrúar. Með þessari viðbót er leyfilegur hámarksafli á vertíðinni 570 þúsund tonn að meðtöldum þeim afla sem erlendum skipum er heimilt að veiða. Það bendir því allt til þess að um verði að ræða hörkuvertíð ekki síst í ljósi þess að afurðaverð hefur sjaldan eða aldrei verið hærra.


 


Fyrir Síldarvinnsluna skiptir þessi aukning að sjálfsögðu miklu máli en hún felur í sér að kvóti fyrirtækisins mun aukast um tæplega 20 þúsund tonn. Gera má ráð fyrir að heildarkvóti Síldarvinnslunnar á vertíðinni verði rúmlega 70 þúsund tonn og er ljóst að allir þurfa að halda vel á spilunum til þess að hann náist og hann verði nýttur sem best.

Fréttir af loðnumiðunum


Beitir NK landaði um 1.500 tonnum í gær í bræðslu og frystingu, þeir eru komnir á miðin aftur.

Börkur NK landaði tæpum 1.800 tonnum í bræðsluna á Seyðifirði í nótt, þeir eru lagðir af stað á miðin aftur.

Birtingur NK landaði um 1.200 tonnum í Neskaupstað í gær, þeir eru komnir á miðin.

Erika landaði rúmum 1.000 tonnum í Neskaupstað í nótt og er farin á miðin aftur.



Bjartur NK er að landa um 68 tonnum og er uppistaða aflans þorskur, Bjartur NK heldur aftur til veiða á föstudaginn. 

Fréttir af loðnumiðunum


Beitir NK landaði um 1.500 tonnum í gær í bræðslu og frystingu, þeir eru komnir á miðin aftur.

Börkur NK landaði tæpum 1.800 tonnum í bræðsluna á Seyðifirði í nótt, þeir eru lagðir af stað á miðin aftur.

Birtingur NK landaði um 1.200 tonnum í Neskaupstað í gær, þeir eru komnir á miðin.

Erika landaði rúmum 1.000 tonnum í Neskaupstað í nótt og er farin á miðin aftur.



Bjartur NK er að landa um 68 tonnum og er uppistaða aflans þorskur, Bjartur NK heldur aftur til veiða á föstudaginn. 

Loðnufrysting gengur vel


Loðnufrysting í fiskiðjuveri SVN    Ljósm. Guðjón Helgi ÞorsteinssonLoðnufrysting hefur gengið vel í fiskiðjuveri Síldarvinnslunnar það sem af er vertíðinni.  Markaðir fyrir frysta loðnu eru sterkir um þessar mundir og verð há.  Um s.l. mánaðamót hófst frysting á svonefndu „Japansmixi“ og áfram er haldið að frysta á Austur-Evrópu.  Í höfninni er skip sem lestar 4.000 tonn af frystri loðnu enda er brýnt að losa frystigeymslurnar sem fyllast jafnóðum.



Frystiskipið Cool Aster lestar nú 4.000 tonn af loðnu til Úkraínu.   Ljósm. Þórhildur Eir

Tímamótum fagnað

Birtingur NK (áður Börkur NK) kom að landi með 1.200 tonn af loðnu þegar rétt 40 ár voru liðin frá því að Síldarvinnslan eignaðist skipið.   Ljósm. Þórhildur EirEins og lesendum síðunnar er fullkunnugt um voru í gær, 10. febrúar, liðin rétt 40 ár síðan „Stóri Börkur“ kom í fyrsta sinn til heimahafnar í Neskaupstað.  Árið 2012 festi fyrirtækið kaup á nýjum Berki NK og fékk „Stóri Börkur“ þá nafnið Birtingur NK.  Birtingur NK var gerður út til loðnuveiða á vertíðinni 2012 og hóf á ný veiðar í síðustu viku.

40 ár frá komu "Stóra Barkar" - hefur fiskað tæplega 1,5 milljón tonn









Börkur NK kominn til heimahafnar í Neskaupstað 10. febrúar 1973.   Ljósm. Guðmundur Sveinsson


Börkur NK kominn til heimahafnar í Neskaupstað 10. febrúar 1973. 


Ljósm. Guðmundur Sveinsson



Börkur NK var byggður í Þrándheimi í Noregi árið 1968.  Upphaflegt nafns skipsins var Devonshire Bay
og var það í eigu norsks fyrirtækis þó heimahöfnin væri Hamilton á
Bermudaeyjum.Hinn 10. febrúar 1973 kom Börkur NK í fyrsta sinn til heimahafnar í
Neskaupstað.  Kaup Síldarvinnslunnar á
skipinu þóttu marka tímamót enda um að ræða stærsta nótaskip sem Íslendingar höfðu
eignast.  Stærð skipsins vakti verulegt
umtal og því var það gjarnan nefnt „Stóri Börkur“ manna á meðal.



Norska fyrirtækið gerði skipið út til nótaveiða við strendur Afríku og
var fiskimjölsverksmiðja um borð í því. 
Útgerðin gekk vægast sagt illa og endirinn varð sá að skipinu var lagt
og hafði það legið um tíma þegar Síldarvinnslan festi kaup á því.



Börkur NK var fyrst og fremst keyptur til Neskaupstaðar með það í huga
að gera hann út til veiða á loðnu og kolmunna. 
Þótti það kostur að hafa stórt og burðarmikið skip við þessar veiðar
enda stundum þörf á því að sigla langan veg með aflann.










Börkur NK með stórt síldarkast.   Ljósm. Hjörvar Moritz
Börkur NK með stórt síldarkast. Ljósm. Hjörvar Moritz



Börkur NK var rúmlega 711 tonn að stærð og fyrst eftir að
Síldarvinnslan eignaðist skipið gat það flutt 800 tonn að landi í hverri
veiðiferð.  Það þótti mikill afli.  Fljótlega var lestarrýmið aukið þannig að
skipið gat borið 1.150 tonn og loks hófst nýting á tönkum fremst í skipinu og
þá gátu farmarnir orðið 1.320 tonn.



Framan af gekk erfiðlega að finna hinu stóra skipi nægjanleg
verkefni.  Loðnuvertíðir voru oftast
stuttar og kolmunnaveiðarnar gengu ekki nægilega vel.  Ýmsar leiðir voru farnar til að nýta
skipið:  Það var við síld- og
makrílveiðar í Norðursjó, loðnuveiðar í Barentshafi og veiðar á hrossamakríl
við Afríku.  Þá var það einnig nýtt árum
saman yfir sumartímann til að sigla með ísaðan fisk til Grimsby þar sem fiskurinn
var seldur á markaði.

Síldarvinnslan á meðal hinna framúrskarandi fyrirtækja

Framúrskarandi fyrirtæki 2012


Í janúarmánuði ár hvert tekur Creditinfo saman lista yfir
þau fyrirtæki sem teljast hafa skarað fram úr í rekstri á nýliðnu ári.  Af rúmlega 32.000 fyrirtækjum sem skráð eru í
hlutafélagaskrá uppfylltu 354 þau skilyrði sem sett eru til að hljóta viðurkenninguna
„Framúrskarandi fyrirtæki 2012“. 
Síldarvinnslan var eitt þessara 354 fyrirtækja.

Góður gangur á loðnumiðunum


Beitir NK kom í morgun með um 1.100 tonn af loðnu og er verið að vinna hana í fiskiðjuverinu.  Erika er á landleið með fullfermi eða um 1.000 tonn.  Börkur NK hélt til veiða í gær.  Birtingur NK heldur væntalega til veiða seinni partinn í dag.



Barð NK hélt til veiða í gær.  Bjartur NK heldur til veiða í kvöld. 

Birtingur NK heldur til loðnuveiða

Birtingur NK (áður Börkur) og Börkur NK í höfninni í Helguvík á loðnuvertíðinni 2012Nú, þegar loðnukvótinn hefur verið aukinn, hefur
Síldarvinnslan tekið ákvörðun um að senda Birting NK til veiða, en Birtingur NK
hét áður Börkur NK og hefur bráðum verið í eigu Síldarvinnslunnar í 40 ár. 
Birtingur var nýttur til loðnuveiða á síðustu
vertíð en hefur síðan legið við bryggju á Seyðisfirði.






Skipstjóri á Birtingi NK verður Tómas Kárason.



Ljósm. Þorgeir Baldursson 

Aukning loðnukvótans skiptir miklu máli

Loðnuvinnsla


Í gær var tekin ákvörðun um að bæta 150 þúsund tonnum við
loðnukvóta yfirstandandi vertíðar.  Þessi
ákvörðun er tekin á grundvelli upplýsinga sem rannsóknaskipið Árni Friðriksson
hefur aflað að undanförnu, en það hefur verið við loðnuleit út af Austfjörðum,
Norðurlandi og Vestfjörðum.  Ekki hefur
verið unnið úr öllum þeim gögnum sem hafrannsóknaskipið hefur aflað og því er
ekki vitað hvort kvótinn verði aukinn enn frekar.



Fyrir Síldarvinnsluna skiptir aukning loðnukvótans afar
miklu máli.  Aukningin felur í sér að við
kvóta skipa Síldarvinnslunnar bætist samanlagt um 24.000 tonn og allt stefnir í
góða vertíð enda verð á mjöli og lýsi hátt og markaðir fyrir frysta loðnu
sterkir.

Undirflokkar